Оҕону патриотическай тыыҥҥа иитии музейнай педагогика нөҥүө ордук ситиһиилээх буоларын «Дьиэ-кэргэн историятын кэрэһитэ» диэн сонун быыстапка ыытыллыбыта өссө төгул сөптөөҕун көрдөрдө. Бырайыак автора -Дьиикимдэ олохтооҕо бэтэрээн учуутал Луиза Акимовна Канаева. Дьиикимдэ нэһилиэгин 12 ыалын дьиэтээҕи музейдарын экспонаттара «Олонхо дьиэтин» быыстапкалыыр саалатыгар турда. Хас биирдии ыал кундутук саныыр, дьонноро туттубут малларын, тэриллэрин, дьиэ -кэргэн хас биирдии чилиэнин ураты кэмнэрин санатар экспонаттары көлуэнэттэн көлуөнэҕэ харыстаан уура сылдьан тиэрдэн иһэллэр эбит. Оҕолор кыра эрдэхтэриттэн ону билэр уонна киэн тутта, сыаналыы улааталларыгар маннык дьиэ-кэргэн музейдара көмөлөрө улахан. Оҕону иитии аан бастаан төрөөбут дьиэттэн, төрөппуттэртэн саҕаланар оччоҕо төруттэрин ытыктыы, норуотун уруккутун сыаналыы улаатар.
Быыстапка аһыллыытыгар оҕолор, тэрэппуттэр, ыалдьыттар барыта 71 киһи сырытта. Ынырыылаах ыалдьыттарбыт Ил-тумэн депутата Григорьева А.А, Ньурба муниципальнай тэриллиитин баһылыгын социальнай улэҕэ солбуйааччы Ким Л.С, «Матери России» Ньурбатааҕы салаатын салайааччыта Туманова А.А, Уөрэҕирии управлениетын начальнигын иитэр улэҕэ солбуйааччы Ермолаева А.С, Ньурба 1 оскуолатын музейын салайааччыта Николаева А.Г, бэтэрээн общественник учуутал Федорова В.Д уонна Ньурба , Антоновка оскуолатын оҕолоро, Эбии уэрэхтээһин Киин иитиллээччилэрэ уонна педагогтара кыттыыны ыллылар.
Дьиикимдэ олохтооҕо 82 саастаах Токусарова Марфа Петровна бэйэтинэн киирэн кыттыыны ылбыта оҕолор улахан сэнээриилэрин ылла. Кини эһэтин Москва куораттан кэлбит лампысыай кэмпиэтин тимир иһитин кундутук санаан уура сылдьарын көрдөрдө. Куйбышев колхоз колхозтаахтара лэппиэскэ буһарынар хобордоохторо, үүт эрийэр сэппэрээтэр (сорохтор отой да билбэттэр эбит), бэчээттиир массыына, оччотооҕу оҕолор Сана дьыллааҕы подароктарын уктар тигии мөһөөччуктэрэ, суруйар бөруө уруучука, ыаллар дьиэ-кэргэнинэн ыраах сиртэн традиция курдук кэһии гынан аҕалтаабыт иһиттэрэ, сэрии иннинээҕи 20-30 сыллардааҕы аһаабыт таас иһиттэрэ, Павлов В.Н маһынан кыһан онорбут кыыллара, хараҕынан инбэлиит, ханна да анал уэрэххэ уэрэммэтэх айылҕаттан талааннаах Слепцова В.Д уруһууйдара, дьиэ-кэргэн оҕолорун бэлиэ куннэрин санатар бэлэхтэрэ, туттубут маллара уо.да дьэ чахчы кэрэхсэбиллээх экспонаттара о5олор болҕомтолорун тартылар.
Быыстапкаҕа биир нэдиэлэ устата куорат оскуолатын уэрэнээччилэрэ, олохтоохторо, ыалдьыттара барыта 421 киьи, онтон оҕото 273 сырытта.Быыстапканы сэнээрэн ыаллыы Сунтаар улууһуттан, Якутскайтан, Покровскайтан кэлэн анаан-минээн көрөн бардылар. Олохтоох радио, телевидиение, хаһыат нэҥуэ эмиэ сырдатылынна. Быыстапка кэмигэр көлуөнэлэр алтыһыылара, опыт атастаһыыта куускэ барда, оҕолор элбэҕи биллилэр-кэрдулэр.
Дьиикимдэ баһылыгар Сухаринова В.А, проект авторыгар Канаева Л.А уонна быыстапкаҕа бэйэлэрин баай опыттарын кэрдэрбут- кэпсээбит Егорова П.К, Ефремова К.П, Токусарова М.П, Наумова М.Р, Семенова С.С, Васильева А.С, Семенов В.А, Слепцова В.Д, Павлов В.Н, Павлова С.Н, Данилова С.Е, Канаева Л.А дьиэ кэргэттэригэр улахан махталбытын тиэрдэбит.
Эбии уэрэхтээһин киинин музейнай улэҕэ методиһа Давыдова В.Я. |
