Вы вошли как ГостьПриветствую Вас, Гость
Главная » 2016 » Ноябрь » 10 » Положение районного САХА КВН
20:30
Положение районного САХА КВН

Саха сиригэр ыччат сылыгар аналлаах оскуола оҕолорун

17-с республикатааҕы «Саха КВН» оонньууларын полуфиналын балаһыанньата (оройуон таһыма)

 

1) Тэрийээччилэр: Ньурба оройуонун үөрэх салалтата, Оҕону эбии үөрэхтээһин киин, “Ньурба Эрэлэ” о5о хамсааһына.

2) Кыттааччылар: улуус, оскуола КВН хамаандалара.

3) Оонньуу сыала-соруга:   

- «Cаха КВН» хамсааhынын салгыы сайыннарыы;

- саха ыччата төрөөбүт тылын туттар эйгэтин кэҥэтии;

- бастыҥ хамаандалары уонна оонньооччулары бэлиэтээhин;

- араас улуустар хамаандаларын икки ардыларыгар доҕордуу сыһыаны кэҥэтии;

- Саха КВН оонньууларын финалыгар кыттар хамаандалары сүүмэрдээһин.

4) Оонньуу  ыытыллар кэмэ, миэстэтэ: 2016 сыл сэтинньи 23 күнэ, Ньурба улууһа, Ньурба куорат, «Кыталык» культуура киинэ.

5) Кыттарга усулуобуйалар:

  • Ыҥырыыта суох кэлбит хамаанда оонньууга киирбэт;
  • Хамаанда састаабыгар 5-11 диэри кылаас оҕолоро хапсаллар;
  • Хас биирдии кыттааччы уларыттар атах таҥаhын илдьэ кэлэрэ булгуччулах;
  • Хамаандалар 1000 солк. тэрийэр взнос төлүүллэр.

6) Сыаналааhын:

Хамаандалар көрдөрбүт программаларын дьүүллүүр сүбэ сыаналыыр. Сыаналыырга болҕомто хамаанда көрүгэр-күлүүтүгэр, артыыстааһыныгар, сценическай культураны тутуhуутугар, музыкальнайыгар, имиджигар ууруллар.

7) Түмүк тахсыыта уонна наҕараадалааhын:

Оонньуу түмүгүнэн оонньооччуларга маннык анал ааттар иҥэриллэллэр: «Күн күлүүк» (Мисс КВН), «Көрдөөх көкөт» (Мистер КВН), «Саталлаах салайааччы», «Мэкчиргэ мэйии» «Алтан чуораан», «Көрөөччүлэр биһирэбиллэрэ», «Бастыҥ көрүдьүөс», «Бастыҥ бэйэни билиһиннэри», «Саха КВН эрэлэ», «Бастыҥ ырыа аргыстаах хамаанда», «Бастыҥ куолас». Кыайыылаах хамаандаларга (1,2,3 истиэпэннээх) грамота уонна финалга киирэр туоһу сурук бэриллэр.

8) Оонньуу түһүмэхтэрэ:

  1. «Бэйэни билиһиннэрии» – 5 мүн., тиэмэтэ: «Эһээ эппитинэн ...»;
  2. «Биир нүөмэр түһүмэҕэ» 3 мүн., хамаандалар ханнык баҕар тиэмэҕэ биир нүөмэр бэлэмнээн кэлэллэр;
  3. «Ырыа аргыстаах дьиэтээҕи cорудах» 7 мүн., тиэмэтэ: «Барыта кыраттан саҕаланар»;
  4. «Триатлон». Хамаандалар бастаан «Биатлон» түһүмэҕин оонньууллар, маныаха «Биатлоҥҥа» хамаандаттан 1 эрэ киһи кыттар, эрдэттэн 15 көрүдьүөс бэлэмнээн кэлбиттэрин ааҕаллар. Хамаандалар 0,2; 0,3; 0,4; 0,5; 0,6; 0,7; 0,8 бааллаах биир-биир туораан иһэллэр. Икки хаалбыт хамаанда «Ыйытынньык» түһүмэҕин оонньуур. Кыайбыт хамаанда толору 1 баалы ылар.

9) Болҕой! Оонньуу быраабылалара.

1) Тэрийээччилэр репетициялыыр бириэмэттэн ураты атын үлэни ыытарга (сценарий суруйарга, фонограмма суруйарга, реквизит оҥосторго уо.д.а.) усулуобуйаны тэрийбэттэр.

2) Хас сыл аайы программа тиэмэтэ, ис хоһооно уларыйан иһэр. Урукку программаттан көрүдьүөһү (шутканы), миниатюраны, ... хат туттуу көҥүллэммэт! Атын хамаанда көрүдьүөһүн, миниатюратын, ... уоран туттуу, хатылааһын бобуллар! Урукку көрүдьүөһү, миниатюраны кэҥэтэн, тиэмэни арыйан салгыы сайыннарыахха сөп (ол эрэн ис хоһооно атын буолуохтаах)!

3) Программаҕа финальнай ырыаны толорорго оҕолор бэйэлэрэ ыллыыллара ирдэнэр, онтон «плюсовка» тустаах көрүдьүөһү, фишканы толорорга эрэ көҥүллэнэр.

4) Программаҕа хааччахтаммыт, тэпсиллибит, биһирэммэт теманы (пошлость), маны тэҥэ хаан тохтуулаах, өлөрсүүлээх тиэмэни киллэрбэппит, редактор булгуччу тутуһар!

5) Салайааччылар, оҕолор нууччалыы тылы үгүстүк тутталларын хонтуруоллуургутун күүһүрдүн, нууччалыы тыл көрүдьүөскэ, фишкаҕа быһаччы сыһыаннаах эрэ буоллаҕына көҥүллэнэр.

6) Хас биирдии хамаандаҕа звукорежиссер (топер) баар буолара ирдэнэр.

10) Финалга оройуоннай оонньуу кыайыылааҕа эрэ ыҥырыллар (1миэстэ),

10) Оонньуу программата:

- 14:00 ч. Парад, тэрээһини үөрүүлээхтик арыйыы.

- оонньуу саҕаланар.

- наҕараадалааһын

11) Cайаапка. Тэрийэр бөлөх сайаапкалары сэтинньи  20  күнүгэр диэри тутар.

                 Билсэр тел.: 23367

 

 

Просмотров: 140 | Добавил: cdod | Рейтинг: 0.0/0
Всего комментариев: 0
Имя *:
Email *:
Код *: