Вы вошли как ГостьПриветствую Вас, Гость
Главная » 2015 » Ноябрь » 10 » Мархаҕа туһалаах сынньалаҥ ааста!
14:46
Мархаҕа туһалаах сынньалаҥ ааста!

Сэтинньи 1 -4 күннэригэр Ньурбатааҕы Оҕону Эбии Үөрэхтээһин киинин иһинэн үлэлиир "Калейдоскоп” телестудията (сал.Федорова Э.Е., Самсонова С.Г.) уонна уон биэс о5о буолан Марха орто оскуолатыгар (дир.Иннокентьев В.Н.) тахсан киинэ уһуллубут. Быйыл биһиги бэйэбит эрэ буолбакка, эрдэ лааҕырбытыгар сылдьыспыт оҕолорбут бэйэ баҕаларынан суруттаран барса сырыттылар. Ол курдук Өҥөлдьөттөн үс, Малдьаҕартан икки оҕо үлэлэстилэр. Киинэҕэ уопсайа кыттыыны ыллылар 35 оҕо, 32- улахан киһи.Сүрүн оруолларга Николаев Женя – 9 кылаас (Марха орто оск.) уонна олохтоох дьаһалта эдэр кэскиллээх үлэһитэ Алена Валерьевна Васильева оонньоотулар. Киинэ саамай саастаах артыыһынан буолбута педагогическай үлэ, тыыл бэтэрээнэ Марха нэһилиэгин ытык кырдьаҕаһа Матвеева Екатерина Андреевна.


Ис хоһоонун кылгастык сырдатар буоллахха, ОГЭ кыһалҕалара, кылаас салайааччыларын үлэлэрэ көстөр. Киинэ кэмигэр оҕолор Мария Николаевна Титоваҕа музейнай уруокка олус сөбүлээн сырыттылар. Ону таһынан сэрии кыттыылааҕар Дмитриев Г.А. уонна мелодист, композитор А.А. Моргусовка ыалдьыттаатылар, ырыа ыллаатылар.

Киинэ түмүктэнэр киэһэтигэр Марха лидердара олус үчүгэй минньигэс астаах остуолу уонна уоттаах –күөстээх дискотеканы бэлэхтээтилэр. Оҕолор аһаҕас микрофоҥҥа бэйэлэрин санааларын эттилэр,киинэҕэ өссө да уһуллуон баҕалаахтарын биллэрдилэр. Бу курдук түөрт күҥҥэ оройуоммут сэттэ араас оскуолаларын оҕолоро олус доҕордоһон, биир ыал оҕолорун курдук буола сырыттылар.

Барҕа махталбытын тириэрдэбит оскуола директорыгар Иннокентьев В.Н., Марха нэһилиэгин баһылыгын солбуйааччытыгар Антонова А.В. күн ахсын арыаллыы сылдьыбыт киһибитигэр оскуолатааҕы Оҕо хамсааһынын салайааччытыгар Иванова М.В., музей салайааччытыгар Титова М.Н. уонна бүтүн оскуола коллективыгар. Үлэҕитигэр- үөрэххитигэр бастыҥ көрдөрүүлэри,куруук маннык ыалдьытымсах буолуҥ.

Э.Е.Федорова – "Калейдоскоп”оҕо телестудиятын салайааччыта.

Просмотров: 410 | Добавил: cdod | Рейтинг: 0.0/0
Всего комментариев: 0
Имя *:
Email *:
Код *: