Вы вошли как ГостьПриветствую Вас, Гость
Главная » 2016 » Декабрь » 8 » Чурапчыга «Музейдар куннэрэ»
20:52
Чурапчыга «Музейдар куннэрэ»

Быйылгы сылы  Чурапчы улууһун баһылыга Ноговицын А.Т  «Музейдар  сылларынан»  биллэрбитэ. Ону түмүктүүр тэрээһиннэргэ  «Дни государственных музеев  РС(Я) в Чурапчинском улусе, посвященные Году музея в улусе, 120 -летию со дня известного ученого, этнографа, краеведа, фольклориста, первого директора Чурапчинского музея А.А.Саввина» Чурапчыга ыытылынна. Онно 5 судаарыстыбаннай музейдар:  Дьокуускайдааҕы Ем. Ярославскай аатынан музей, Национально-художественнай музей,  Музыка уонна фольклор музейа,  П. А.Ойуунускай  аатынан  литература  музейа уонна Ньурбатааҕы К.Д.Уткин аатынан  «Норуоттар доҕордоһуулара» музейа   кыттыыны ыллылар. Музейдар аҕалбыт экспонаттарын Чурапчыга, Одьулууҥҥа, Хатылыга  элбэх сиринэн аттаран туруордулар. Худуоһунньук  Лукина М.М    улэлэрин быыстапката  турда. 3 кун устата Чурапчы улууһун олохтоохторо  ыраахтан-чугастан  улаханныын-о5олуун барыта  3850  киһи сырытта. Искусство дьиҥнээх шедеврдарын, урукку билиҥҥи уйэ экспонаттарын  оҕо аймах сороҕун илиилэринэн-атахтарынан тутан-хабан  кэрэн улаханнык астыннылар. Оҕолор сурдээҕин интириэһиргээн боппуруос бөгө биэрэн элбэҕи билэллэринэн-көрөллэрүнэн  экскурсоводтары сөхтөрдулэр.  «Номохтор, уһуйээннэр», «Олонхо киэһэтэ ,  араас маастар кылаастар, кэрсуһуулэр тиһигин быспакка буоллулар.  Ньурба улууьун быыстапкатын 1046 киЬи кэрдэ.

Бу тэрээһиннэргэ  Культура министрин солбуйааччыта Макаров Н.А, Чурапчы баһылыга Ноговицын А.Т, Культура  управлениетын начальнига Попов Д.Д, А.А.Саввин аатынан история уонна этнография музейын директора Толстоухов Ю.С бэйэлэринэн иилээн-саҕалаан сырыттылар. Чурапчы дьаһалтатын дьиэтигэр «Тэгурук остуолга»  музейдар улэлэрин хайдах салгыы сайыннарар туһунан кэпсэтии буолла. «Аарыгырар  аҕыс аар аартык» диэн ааттаах  бырайыагы улэлэтэр туһунан улэлэтэргэ субэлэстилэр. Бу бырайыак  памятниктары  көруу-истии, ытык кэрэ сирдэринэн экскурсиялары тэрийии. Музей экспонаттарын  үйэтитэргэ  реставратордары үэрэттэрии наадалааҕын ыйдылар, «Чурапчы көһөрүүтүгэр» аналлаах музей урут оскуола музейа эбит буоллаҕына быйыл  бастакы президеммыт М. Е. Николаев этиитинэн улуус таһымнаах музей онорбуттар. Эбии уэрэхтээһин киинин дьиэтигэр «Музей образования Чурапчинского района» тэриллибит. Музей улэһиттэрэ научнай таһымҥа тахсаллара наадатын, идэлэрин араас академияларга уөрэнэн үрдэтинэллэрин   ыйдылар.  Пенсияҕа тахсыбыт учууталларга хамнас төлөөн  музейга ыҥыран үлэлииллэригэр  усулуобуйа оҥорон улэлэтэргэ , салгыы улууска туризмы куускэ  сайыннарар туһунан этиилэр  киирдилэр.

Ньурба делегациятын састаабыгар Борисов В.Б музей сотруднига, Н.Т.Степанов аатынан  Чаппандатааҕы литература уонна фольклор музейын салайааччыта Сидорова Т.Д уонна мин сырыттыбыт. БиЬигини  Хатылыга «Чурапчы кэһэруутун» кэпсиир музейга, Чөркөөххө  Суорун  Омоллоон аатынан музейга.  75 саастаах лор врач, чааһынай таксидермист  музейыгар, Одьулууҥҥа « Сэһэн Боло аатынан оскуола музейыгар» анаан-минээн илдьэн сырытыннардылар.  Элбэх  дьону кытта көрсөн,  опыт атастаһан, инники өттугэр бииргэ үлэлииргэ дьыалабыай кэпсэтиилэр  буоллулар. Чурапчылар музейдара хааччыллыылара сурдээх учугэй эбит, бары анал дьиэлээхтэр. Чурапчы олус баай историялаах, сахалыы тыыннаах улуус буоларын  илэ харахпытынан көрөн сүрдээҕин астынан кэллибит.  Музейдар улэлэрэ сайдарын туһугар биһигини өйөөн-эйдээн суолбутун төлөөн ыыппыт салалтабытыгар Үөрэх управлениетыгар (нач. Маччасынова М.В) улахан махталбытын тиэрдэбит.

Эбии уөрэхтээһин киинин музейнай педагогикаҕа методиһа Давыдова В.Я.

Просмотров: 251 | Добавил: cdod | Рейтинг: 0.0/0
Всего комментариев: 0
Имя *:
Email *:
Код *: